ဒီဆောင်းပါးလေးကို လွန်ခဲ့တဲ့နှစ်က အွန်လိုင်းပေါ်ကနေသိခဲ့ရတဲ့ မြန်မာနိုင်ငံက လူငယ်လေးတယောက် ပေးပို့ထားခဲ့တာကြာပါပြီ။ အဲဒီတုန်းက သူပြောခဲ့တဲ့စကားက ဒီဆောင်းပါးလေးက သူ့ဘဝလေးနဲ့ ချွတ်စွတ်တူနေသလို သူ့ခံစားချက်လေးတွေကိုပါ ထင်ဟပ်ပေးနိုင်တဲ့ ဆောင်းပါးဖြစ်တဲ့အတွက် မြန်မာနိုင်ငံက လူကြီးသူမတွေအနေနဲ့ တိတ်တိတ်ပုန်းနေရတဲ့ လိင်တူချစ်သူတွေရဲ့ဘဝကို စာနာနားလည် ပေးနိုင်လာဖို့ တောင်းဆိုထားခဲ့တာ ကြာပါပြီ။ ဒီစာလေးက တကယ့်လူငယ်တယောက်က သူ့ဘဝရဲ့ခံစားချက်ကို ထုတ်ဖော်ရေးသားထားတဲ့ စာလေးတစောင်ဖြစ်ပါ။ အဲဒီနောက်မှာ နောက်ထပ် လူငယ်တယောက်ကလည်း သူ့ရဲ့တိတ်တိတ်ပုန်းလိင်တူချစ်သူဖြစ်နေရတဲ့ဘဝကို သက်တံ့ရောင်အယ်ဒီတာအဖွဲ့ကို ရင်ဖွင့်လာခဲ့ပြန်ပါတယ်။ သူ့ရဲ့ခံစားချက်ကလည်း ပထမလူငယ်လေးလိုပဲ ခပ်ဆင်ဆင်ဖြစ်နေတာကို သတိထားမိပြန်ပါတယ်။ ဒီလိုနဲ့နောက်ပိုင်းမှာလည်း ခံစားချက်ချင်းတူတဲ့ လူငယ်အတော်များများက ကျနော်တို့ဆီကိုရင်ဖွင့်လာခဲ့တဲ့အတွက် သူတို့ရင်ထဲကခံစားချက်ကို ထင်ဟပ်ပြစေနိုင်မယ့် ဒီလူငယ်လေးရဲ့စာကို သက်တံ့အင်တာနက်မဂ္ဂဇင်းကနေတဆင့် တင်ပြပေးလိုက်ရပါတယ်။
ကျနော်ဟာ အသက် ၂၁နှစ်ရှိပြီးဖြစ်တဲ့ အင်ဂျင်နီယာကျောင်းသားလေးတယောက်ပါ။ ပွင့်ပွင့်လင်းလင်းဝန်ခံရရင် ကျနော်ဟာ လိင်တူချင်းချစ်တဲ့ ဂေး တယောက်ပါ။ ကျနော် ဂေး တယောက်ဖြစ်တယ်ဆိုတာကို ဟိုး... ကျနော် ၁၄ နှစ်လောက်ကတည်းက ကောင်းကောင်းကြီးကို သဘောပေါက် သိနားလည်ခဲ့ပါတယ်။ လူတွေပြောပြောနေတဲ့ ရင်းနှီးတဲ့ဆွေးမျိုးသားခြင်းတွေရဲ့ လိင်ပိုင်းဆိုင်ရာ နှောက်ယှက်မှုတွေကြောင့် ကျနော် လိင်တူချင်း ချစ်တဲ့သူတယောက် ဖြစ်လာခဲ့တာမဟုတ်တာတော့ လုံးဝသေချာပါတယ်။
ကျနော် ဂေး တယောက်ဖြစ်တာ ဘယ်သူ့ကြောင့်မှမဟုတ်ခဲ့သလို ကျနော် မွေးကတည်းကဖြစ်လာခဲ့တဲ့အရာ တခုလို့လည်း ကျနော်လုံးဝယုံကြည်ပါတယ်။ ဘယ်သူတွေ ဘယ်လိုပဲ ပြောနေကြပါစေ ကျနော်ကိုးကွယ်ယုံကြည်တဲ့ဘုရား ဒါမှမဟုတ် ဟောဒီလောကကြီးထဲမှာရှိနေတဲ့ နတ်ဘုရားတွေကြောင့်သာ ကျနော် ဂေး ဖြစ်လာတယ်လို့ ကျနော်လုံးဝယုံကြည်သလို ကျနော်ဟာ ဟောဒီလောကကြီးထဲမှာ သဘာဝတရားကြီးကပေးတဲ့ ဂေး လို့ခေါ်တဲ့ ကောင်းချီးဆုလဒ်တခုလို့လဲ ကျနော့်ကိုယ်ကျနော်ခံယူပါတယ်။ တချို့လူတွေ မွေးလာကတည်းက ဆံပင်အရောင်အမျိုးမျိုး၊ အသားရောင်အမျိုးမျိုးနဲ့ မွေးလာကြသလိုပဲ ကျနော်လည်း မွေးလာကတည်းက ဂေးအဖြစ်နဲ့မွေးလာခဲ့တဲ့သူပါ။ ဒီနေ့ဒီအချိန်မှာ သိပံ္ပနည်းပညာကလည်း လိင်တူချင်း စိတ်ဝင်စားတယ်ဆိုတာ မမွေးခင်ကတည်းကဖြစ်လာခဲ့တဲ့ အရာတခုဖြစ်တယ်ဆိုတာကို သက်သေအထောက်အထားအမျိုးမျိုးနဲ့ ဖော်ပြနေခဲ့ကြပြီ ဖြစ်ပါတယ်။
ကမ္ဘာ့ကျန်းမာရေးအဖွဲ့ကလည်း လိင်တူချင်းဆက်ဆံတာဟာ စိတ်ရောဂါတစ်ခုမဟုတ်ဘူးဆိုတာကို အကြိမ်ကြိမ်အတည်ပြုခဲ့ပြီး ဖြစ်ပါတယ်။ ဒါတွေကို ကျနော်ကောင်းကောင်းကြီး သိနေခဲ့ပါတယ်။ ဒါပေမယ့် လူတချို့ကို ကျနော်နားမလည်နိုင်ဘူးဗျာ။ အခြေအမြစ်မရှိတဲ့ တွေးခေါ်ယူဆချက်တွေနဲ့ ကျနော်တို့ကိုအပြစ်ပုံပြောချင်နေကြတယ်။ ထားလိုက်ပါတော့ တချို့ဆိုရင် ဂေးတွေများလာလို့ရှိရင် ကမ္ဘာပေါ်မှာ လူမှုအသိုင်းအဝိုင်းဆိုတာ ပျောက်ဆုံးသွားလိမ့်မယ်ဆိုတဲ့ ဟာမျိုးတွေပေါ့။ အဲဒီအတွေးအခေါ် ယူဆချက်တွေဟာ လုံးဝကိုမှားယွင်းနေတဲ့ တွေးခေါ်ယူဆချက်တွေပါ။ ဘယ်လိုလုပ်ပြီးလူတိုင်းက ဂေးဖြစ်လာနိုင်ပါ့မလဲ။ ဟိုအရင်တုန်းကလည်း မဖြစ်ခဲ့သလို ဒီနေ့လည်းဖြစ်မနေပါဘူး။ လာမယ့်အနာဂတ်မှာလည်း ဖြစ်မှာမဟုတ်ပါဘူး။ သဘာဝတရားအတိုင်း သူ့ဟာနဲ့သူ အချိုးညီညီတည်ရှိနေပြီးသားပါ။ ဂေးဆိုတဲ့အရာကို ကြက်အကောင်ပေါက်သလို တယောက်ပြီးတယောက် အကောင်ဖောက်ယူလို့ရနိုင်တာမျိုးမှ မဟုတ်တာ။ ဒါတင်မကသေးပါဘူး။ တချို့လူတွေက ကျနော်တို့ကို စွပ်စွဲကြပြန်ပါသေးတယ်။ ခရစ်ယာန်ဘာသာမှာဆိုရင် ဘုရားသခင်ကတားမြစ်ထားတဲ့အရာလို့ ဆိုကြပြန်တယ်။ ပြီးတော့ ပြောပါသေးတယ်... လိင်တူဆက်ဆံတာကို ဘုရားမကြိုက်ဘူးဆိုတာ သမ္မာကျမ်းစာထဲမှာ အတိအလင်းဖော်ပြထားပြီးဖြစ်တယ်လို့ ဆိုထားကြပါတယ်။ မှန်ပါတယ်။ သမ္မာကျမ်းစာဆိုတာ ဘုရားရဲ့နှုတ်ကပတ်တော်တွေကို ရေးချထားတဲ့သန့်ရှင်းတဲ့ကျမ်းစာအုပ် တအုပ်ပါ။ ဒါပေမယ့်လည်း ကျမ်းစာထဲမှာ ဘုရားသခင်က မိန့်မှာထားတဲ့စကားတွေကို လူသားတွေတသွေမတိမ်း လိုက်နာခဲ့ကြရဲ့လားဆိုတာကိုလည်း ပြန်စဉ်းစားကြည့်သင့်ပါတယ်။ ဥပမာ ကျွန်စနစ်ကိုကျင့်သုံးတာ၊ လင်မယားချင်း ကွာပြဲတာ၊ အမျိုးသမီးအခွင့်အရေးတွေကို လက်ခံလာတာ အဲဒီလိုအချက်တွေကို အရင်တုန်းကလုံးဝ လက်မခံကြဘူးလေ။ ဘာဖြစ်လို့လဲဆိုတော့ ကျမ်းစာထဲမှာကိုက ခွင့်မပြုထားတဲ့အတွက်ကြောင့်ပါ။ ဒါပေမယ့် ဒီနေ့ဒီအချိန်မှာ အဲဒီမိန့်ဆိုချက်တွေကို ဆန့်ကျင်ပြီး ပြုပြင်ပြောင်းလဲရေးအတွက် စတင်ကျင့်သုံးလက်ခံလာခဲ့ကြတာပဲ မဟုတ်လား။ ဒါဆိုရင် ဘာဖြစ်လို့ လိင်တူချင်းချစ်တာကို သမ္မာကျမ်းစာနဲ့ကိုင်ပေါက်ပြီးတော့ ဒီနေ့အထိတားမြစ်နေတာ စဉ်းစားစရာဖြစ်မနေသေးဘူးလား။
ဟိန္ဒူဘာသာမှာဆိုရင်လည်း ဟိန္ဒူဘာသာကို ကိုးကွယ်တဲ့သူဆိုရင်တော့ သိပါလိမ့်မယ်။ ခါဂျုရဟို(Khajuraho)လို့ခေါ်တဲ့ ဗိမာန်တော်ကိုရောက်ဖူးလို့ရှိရင် လိင်တူချင်းချစ်တင်းနှောနေတဲ့ အနုပညာလက်ရာတွေကို ဘုရားကျောင်းအတွင်းထဲမှာ အလှဆင်ထားတာကို တွေ့ဖူးကြမှာပါ။ ပြီးတော့ ကာမရှတ္တရဆိုတာလည်း လိင်ကွဲဆက်ဆံတဲ့သူတွေအတွက်ပဲလို့ များသောအားဖြင့်က ပြောကြပါတယ်။ အမှန်တော့ မဟုတ်ပါဘူး။ လိင်တူ၊ လိင်ကွဲနှစ်ခုစလုံးအတွက် ဆိုလိုတာဖြစ်ပါတယ်။ ဟိန္ဒူဝေဒကျမ်းမှာလည်း လိင်တူချင်းဆက်ဆံတာကို ဆန့်ကျင်တားမြစ်တဲ့ကျမ်းပိုဒ် တစ်ခုမှမရှိဘူး ဆိုတာကို ကျနော်လေ့လာခဲ့ရပါတယ်။ ဒါတွေကို ကျနော်ဘာကြောင့်ပြောနေရလဲဆိုရင် ဘာသာတရားအတော်များများမှာ လိင်တူဆက်ဆံတာကို တားမြစ်ထားတယ်ဆိုတဲ့ စကားတွေကြောင့် ကျနော်ကြိုးစားပြီးလေ့လာခဲ့လို့ သိရတာပါ။
ကျနော်အသက် ၁၉နှစ်မှာ အွန်လိုင်းအင်တာနက်ပေါ်ကနေပြီး ချစ်သူရည်းစားတယောက်ရခဲ့ပါတယ်။ ပထမဦးဆုံး ကျနော်တို့နှစ်ယောက် အပြင်မှာစတွေ့တဲ့အချိန်မှာ အချစ်မှာမျက်စိမရှိဘူးဆိုသလိုပဲ အရူးအမူးချစ်ခဲ့ကြပါတယ်။ အဲဒီအချိန်တွေတုန်းကလောက် ကျနော့်ဘဝမှာ ပျော်ရွှင်ကြည်နူးခဲ့ရတာ တခါမှမရှိခဲ့ပါဘူး။ သူလည်း ကျနော်လိုပါပဲ ကိုယ့်ကိုယ်ကို လိင်တူချစ်သူပါဆိုပြီး ပွင့်ပွင့်လင်းလင်းမပြောရဲတဲ့သူတယောက် ဖြစ်နေတော့ နောက်ဆုံးမှာ ကျနော်နဲ့အနာဂတ်ကို ဆက်လျှောက်လှမ်းဖို့ နှစ်ယောက်လုံးအခက်အခဲနဲ့ ရင်ဆိုင်ကြုံတွေ့ခဲ့ကြရပါတယ်။ သူက ကျနော်နဲ့ဘယ်လိုမှအတူဆက်ပြီး ပေါင်းသင်းနေထိုင်သွားလို့မရဘူးဆိုပြီး နာကျင်စွာနဲ့ရင်ဖွင့်ခဲ့သလို သူ့မိဘဆွေမျိုး ပတ်ဝန်းကျင်အသိုင်းအဝိုင်းကို ရင်ဆိုင်နိုင်ဖို့ ဘယ်လိုမှခွန်အားမရှိခဲ့ဘူးလို့ ရင်ဖွင့်ခဲ့ပါတယ်။ ကျနော်လည်း အရမ်းကိုနာကျင်ခဲ့ရပါတယ်။ ကိုယ့်ကိုယ်ကိုလည်း မဖြေဆည်နိုင်လောက်အောင် ဝမ်းနည်းပူဆွေးမှုတွေ ဖြစ်ခဲ့ရပါတယ်။ နောက်ဆုံးတော့ သူနဲ့ကျနော် လမ်းခွဲခဲ့တယ်။ ကျနော်က ကျနော်လမ်းကို ဆက်လျှောက်ခဲ့သလို ကျနော့်ချစ်သူကတော့ မိဘတွေပေးစားတဲ့အမျိုးသမီးနဲ့ လက်ထပ်သွားခဲ့ပါတယ်။ မမျှော်လင့်တဲ့ ကျနော်တို့နှစ်ယောက်ရဲ့ချစ်ခြင်းက လပိုင်းလောက်ပဲသက်တမ်းကြာရှည်ခဲ့ပါတယ်။ အဲဒီအတွေ့အကြုံက ကျနော့်ရဲ့ ဝိညာဉ်ကို ချောက်ခြားစေခဲ့သလို ကျနော့်ရဲ့နှလုံးသားကို ဆိုးဆိုးဝါးဝါးဆွေးမြည့်နာကျင်စေခဲ့ပါတယ်။ ဒါပေမယ့် ဒီအဖြစ်အပျက်ဟာ သူ့ကြောင့်ဖြစ်ခဲ့ရတာမဟုတ်ဘူးဆိုတာကိုတော့ ကျနော်အသိညာဏ်က ကောင်းကောင်းကိုသတိထားစေခဲ့ပါတယ်။
စဉ်းစားကြည့်ပါ။ ကျနော်တို့နိုင်ငံမှာ ကျနော့်လိုမျိုးအတွေ့အကြုံနဲ့ ဖြတ်သန်းလာခဲ့ရတဲ့သူတွေ ဘယ်နှယောက်တောင်များရှိနေနိုင်မလဲ။ ပြီးတော့ ကျနော်သိပ်ချစ်ရတဲ့ချစ်သူလိုမျိုး ကိုယ့်ရဲ့လိင်စိတ်ကိုမျိုသိပ်ပြီး လက်ထပ်ထိမ်းမြားခြင်းလို့ခေါ်တဲ့ မျက်နှာဖုံးအောက်မှာ ကိုယ့်ကိုယ်ကို လုံခြုံမယ်လို့ထင်ပြီးတော့ နေ့တဓူဝ ဝမ်းနည်းပူဆွေးစွာ အသက်ရှင်နေရတဲ့သူတွေ ဘယ်လောက်တောင်ရှိနေမလဲဆိုတာ တွေးကြည့်လို့ရနိုင်ပါတယ်။ သိပ်မကြာသေးဘူး ကျနော်သတင်းတစ်ခုကြားသေးတယ်။ မိုးကောင်းဘက်မှာ လိင်တူချင်းချစ်တဲ့ ကောင်လေးနှစ်ယောက် ကိုယ့်ကိုယ်ကို အဆုံးစီရင်သွားတယ်ဆိုတဲ့ အဖြစ်အပျက်တွေကိုကြားရတော့ ကျနော်နှလုံးသားထဲမှာ အရမ်းကိုနာကျင်ခဲ့ရပါတယ်။ သေခြင်းတရားနဲ့ ကွေကွင်းခြင်းကို အလှဲအလှယ်လုပ်သွားခဲ့ကြတဲ့ အဲဒီချစ်သူနှစ်ယောက်အကြောင်းကြားရတာ ကျနော်တော်တော်လေး ယူကြုံးမရဖြစ်ခဲ့ပါတယ်။ အဲဒီနာကျည်းချက်တွေကြောင့်လည်း ကျနော်အခုဒီစာကိုရေးနေရတာပါ။ အထူးသဖြင့် ကျနော်မိဘတွေကို သတိပေးချင်ပါတယ်။ ကျနော်ပြောပြတာကိုလည်း ကောင်းကောင်းနားထောင်ပေးစေချင်ပါတယ်။ ဘယ်တော့မှ မိဘတွေအနေနဲ့ ကိုယ့်သားသမီးတွေအားလုံးကို ယောက်ျားမိန်းမချင်းကြိုက်တဲ့သူတွေလို့ တယူသန်ပုံသေလက်ခံထားတာကို အမြဲသတိနဲ့ ပြန်စဉ်းစားဆင်ခြင်စေချင်ပါတယ်။ ဘာဖြစ်လို့လဲဆိုရင် အဲဒီခံယူချက်က ကိုယ့်သားသမီးတွေအပေါ်မှာ ဆိုးဝါးတဲ့နာကျင်မှုတွေဖြစ်စေနိုင်လို့ပါပဲ။ ပြီးတော့ ပညာတတ် လူတန်းစားတွေ၊ နိုင်ငံတော်ကိုအုပ်ချုပ်နေတဲ့သူတွေ၊ နိုင်ငံရေးသမားတွေ ကျနော်အနူးအညွတ်တောင်းပန်ချင်တာ တစ်ခုရှိပါတယ်။ ကျနော်တို့နိုင်ငံမှာ တည်ရှိနေဆဲ ဥပဒေပုဒ်မ ၃၇၇ ကို ဖျက်ဆီးပယ်ဖျက်ဖို့အတွက် ကျနော်အနူးအညွတ်တောင်းပန်ချင်ပါတယ်။ ခုလောလောဆယ်မှာရှိနေတဲ့ အစိုးရဖြစ်ပါစေ၊ နောက်ရွေးကောက်ပွဲပြီးလို့ အာဏာရလာမယ့် အစိုးရတွေဖြစ်ပါစေ ကျေးဇူးနဲ့ဒီဥပဒေကို ပယ်ဖျက်ပေးကြပါလို့ ကျနော်အနူးအညွတ်တောင်းဆိုချင်ပါတယ်။ မြန်မာတနိုင်ငံလုံးမှာရှိတဲ့ အများပြည်သူအားလုံးကိုလည်း ကျနော်တို့ကို မုန်းတီးနေတဲ့စိတ်တွေ လိင်တူချင်းချစ်တဲ့သူတွေကို စော်ကားနေတဲ့အပြုအမူ စကားအသုံးအနှုန်းတွေ၊ ခွဲခြားဆက်ဆံနေတဲ့ ဓလေ့စရိုက်တွေကိုလည်း ကျေးဇူးနဲ့ရပ်တန်းက ရပ်ပေးကြဖို့တောင်းဆိုချင်ပါတယ်။ ကျနော်တို့ရဲ့အမှန်တကယ် တည်ရှိနေမှုကို အသိအမှတ်မပြုပဲ ကျနော်တို့အပေါ် စော်ကားနှောက်ယှက် အကြမ်းဖက်တဲ့လုပ်ရပ်တွေကိုလည်း ကျေးဇူးနဲ့ ရပ်တန်းကရပ်ပေးဖို့ရန် တောင်းဆိုချင်ပါတယ်။
ကျနော်ဟာ ဒီနေ့ဒီအချိန်ထိ ကိုယ့်ကိုယ်ကို လိင်တူချစ်သူတယောက်ပါလို့ ပွင့်ပွင့်လင်းလင်းထုတ်ဖော်မပြောနိုင်ပဲ အခုလိုမျိုး ကိုယ့်ရဲ့အဖြစ်မှန်ကို ဖုံးကွယ်ပြီးနေနေရတာပါ။ ဘာကြောင့်လည်းဆိုတော့ အခုနကကျနော်ပြောတဲ့ လိင်တူချင်းကြိုက်တဲ့သူ ချစ်တဲ့သူတွေကို ကျနော်တို့ပတ်ဝန်းကျင်အသိုင်းအဝိုင်းက မုန်းတီးမှုထုထည်ဟာ အင်မတန်ကြီးမားလွန်းတော့ ကျနော်ဘယ်လိုမှ ရင်ဆိုင်တွန်းလှန်နိုင်ဖို့ သတ္တိမရှိလို့ပါ။ မြန်မာနိုင်ငံမှာ ကျနော့်လိုမျိုး ကိုယ့်ဘဝကိုယ်ပွင့်ပွင့်လင်းလင်းဖွင့်မပြောရဲပဲ ပုန်းကွယ်နေတဲ့သူတွေ ဘယ်နှသန်းလောက်ရှိနေမလဲဆိုတာကို ဘယ်သူမှ အတိအကျမပြောနိုင်ပါဘူး။ စိတ်ပညာရှုထောင့်ကကြည့်မယ်ဆိုရင်လည်း အဲဒီလိုကိုယ့်ကိုယ်ကို လိမ်ညာဟန်ဆောင်ပြီးနေရတဲ့သူတွေဟာ အနည်းနဲ့အများတော့ စိတ်ထိခိုက်နေကြမှာ သေချာပါတယ်။ ကျနော်လိုခံစားနေရတဲ့သူတွေ ဒီလိုမျိုးဟန်ဆောင်ပုန်းကွယ်နေရတဲ့ဘဝက အမြန်လွတ်မြောက်နိုင်ကြပါစေ။ ကျီးလန့်စာစားနေရတဲ့အဖြစ်ကနေ အမြန်လွတ်မြောက်နိုင်ကြပါစေလို့ ကျနော်အမြဲဘုရားမှာဆုတောင်းမိပါတယ်။ တနေ့ကျရင် ကျနော်လည်း ကျနော်ချစ်တဲ့သူနဲ့ အတူတကွပျော်ပျော်ရွှင်ရွှင်နဲ့ ပေါင်းသင်နေထိုင်ရလိမ့်မယ်လို့လည်း ကျနော်မျှော်လင့်မိပါသေးတယ်။ ဒါပေမယ့်လည်း မြန်မာပြည်မှာဆိုရင်တော့ ယောက်ျားနှစ်ယောက်လက်ထပ်ဖို့ဆိုတာ ဘယ်လိုမှမဖြစ်နိုင်သေးတဲ့အခြေအနေပါပဲလေ။ တကယ်လို့ တတ်နိုင်ခဲ့မယ်ဆိုရင်တော့ လိင်တူချင်းချစ်သူတွေကို နွေးနွေးထွေးထွေးကြိုဆိုတတ်တဲ့ နယ်သာလန်တို့ ကနေဒါတို့မှာသွားပြီး လက်ထပ်နိုင်မယ်ဆိုရင်တော့ အရမ်းကိုပျော်စရာကောင်းမှာပါ။ ဒါပေမယ့် ကျနော်ဆိုတဲ့သူကလည်း မြန်မာမှ မြန်မာဖြစ်နေတဲ့သူတယောက်လေ။ ကျနော်ဒီမြေမှာမွေးတယ်။ ဒီရေသောက်ပြီး ဒီမှာကြီးပြင်းခဲ့တဲ့သူတယောက် အမိမြန်မာနိုင်ငံကိုလည်း အရမ်းချစ်ပါတယ်။ ကျနော်ချစ်တဲ့တိုင်းပြည်ကို ရည်းစားတယောက်ကိုလက်ထပ်ရဖို့အတွက်နဲ့တော့ ကျနော့်တိုင်းပြည်ကိုစွန့်ပြီးတော့လည်း မသွားနိုင်ပါဘူးလေ။ ဒါကြောင့်လည်းကျနော် မတတ်တခေါက်နဲ့ ဒီစာလေးကိုရေးပြီး အကူအညီတောင်းမိတာပါ။
ဒီစာကိုဖတ်မိတဲ့သူတိုင်း ကျနော်တောင်းဆိုခဲ့တဲ့အချက်လေးတွေကို ကျေးဇူးနဲ့သတိထားပေးကြပါလို့ ကျနော်အနူးအညွတ် တောင်းဆိုချင်ပါတယ်။ နောက်ဆုံးကျနော် သက်တံ့စာဖတ်ပရိသတ်ကို မှာချင်တဲ့စကားကတော့ ကျေးဇူးပြုပြီးတော့ “လူသားနှစ်ယောက်ရဲ့ချစ်ခြင်းမေတ္တာအပေါ် အမှားအမှန်ဝေဖန်ဆုံးဖြတ်ချက် မပေးလိုက်ကြပါနဲ့”လို့ အနူးအညွတ် တောင်းပန်ချင်ပါတယ်။ ချစ်ခြင်းမေတ္တာဆိုတာ လူတယောက်က လူတယောက်ကိုချစ်တယ်လို့ပြောတယ်ဆိုတာ ယောက်ျားချင်းချစ်တယ်ပြောပြော၊ မိန်းမချင်းချစ်တယ်ပြောပြော မိန်းမယောက်ျားချင်းချစ်တယ်ပြောပြော ချစ်ခြင်းမေတ္တာဆိုတာ ငြိမ်းချမ်းခြင်းတရားပဲမဟုတ်လား။ လူတွေကို စစ်တိုက်ဖို့ပြောနေတာမဟုတ်ပါဘူးဆိုတာကို နောက်ဆုံးအနေနဲ့ပြောချင်ပါတယ်။
ကျနော့်ရဲ့စာကို ကျနော်အမြဲစိတ်ကူးယဉ်အိပ်မက်နေခဲ့တဲ့ နေ့တနေ့ ၊ကိုယ့်ကိုယ်ကို ဟန်မဆောင်ပဲ ကိုယ့်ရဲ့ပုံရိပ်အမှန်ကို ဖော်ပြနိုင်မယ့်နေ့တနေ့၊ ကျနော်ဟန်ဆောင်စရာမလိုတော့မယ့်နေ့တနေ့၊ ကျနော့်ပုံရိပ်အမှန်ကို လူတွေအမှန်တကယ်လက်ခံ ချစ်မြတ်နိုးနိုင်မယ့်နေ့ကို မျှော်လင့်ပြီး စိတ်ကူးရေးစပ်ထားတဲ့ကဗျာလေးနဲ့ အဆုံးသတ်ပါရစေ။
ရှက်ရွံခြင်းတွေနဲ့ မုန်းတီးခြင်းဆိုတဲ့
တံတိုင်းတွေ ချိုးဖျက်သွားမယ့်နေ့
ငါ့ရဲ့ ဟန်တောင်မျက်နှာဖုံးကို ဆွဲချွတ်လိုက်မယ့်နေ့
ငါဟာ ဂေးတယောက်ပါလို့
ဝင့်ကြွားစွာ ဟစ်ကြွေးနိုင်မယ့်နေ့ကို
ငါမျှော်လင့်နေမှာပါ
ကိုယ့်ကိုယ်ကို ယောက်ျားစစ်လို့ခေါ်တဲ့ယောက်ျားတွေ
ငါကိုယောက်ျားစစ်လို့ မြင်လာနိုင်မယ့်တနေ့
ငါ့ရဲ့ ချစ်ခြင်းတရားကို
ဥပဒေက အသိအမှတ်ပြုမယ့်နေ့
ချစ်သူလက်ကိုဆွဲပြီးတော့
ငါတို့နှစ်ယောက်က ချစ်သူတွေပါလို့
ဝင့်ကြွားစွာ လျှောက်လှမ်းနိုင်မယ့်နေ့
လွတ်မြောက်ခြင်းလို့ခေါ်တဲ့
အလင်းရောင်ခြည်အောက်မှာ
ငါ... ရင်ကိုကော့ပြီး ကမ္ဘာလောကကြီးကိုမျက်နှာမူရင်း
ငါလိုယောက်ျားကောင်းတယောက်
ချစ်တဲ့သူဟာလည်း ယောက်ျားပါလို့
အော်ဟစ်ဝင့်ကြွားနိုင်မယ့်နေ့တနေ့
ငါ့ရှေ့ကိုရောက်လာဦးမှာပါ...
သက်တံ့အယ်ဒီတာအဖွဲ့
ဖေဖော်ဝါရီ ၂၆၊ ၂ဝ၁ဝခုနှစ်
| Comments |
|
|
||||||||
|
||||||||
|
||||||||
|
||||||||
!joomlacomment 4.0 Copyright (C) 2009 Compojoom.com . All rights reserved."
| Next > |
|---|
Welcome Boy Homo created this network with SocialGO.